Лингвистикалық ландшафты оқушылардың оқу үдерісіне тартылымдылығын арттырудың инновациялық тәсілі ретінде пайдалану

Аңдатпа

Мақала билингвальді білім беру жағдайында оқушылардың оқу тартылымдылығын арттыру құралы ретінде лингвистикалық ландшафт әдісінің педагогикалық әлеуетін зерделеуге арналған. Зерттеудің мақсаты – қалалық визуалды-тілдік ортаның элементтерін екінші тіл ретіндегі орыс тілін оқыту үдерісіне енгізудің нәтижелілігін бағалау. Әдістемелік негіздеме ретінде сауалнама жүргізу, визуалды мәтіндерге семиотикалық талдау жасау, сондай-ақ жобалық және тәжірибеге бағдарланған тапсырмаларды орындау қолданылды. Зерттеудің эмпирикалық бөлігі Павлодар қаласының жалпы білім беретін мектебінің алтыншы сынып оқушылары арасында жүргізілді. Олар лингвистикалық ландшафттың аутентті нысандарымен: маңдайшалармен, билбордтармен, мектеп стендтерімен және навигациялық белгілермен жұмыс істеді. Алынған нәтижелер оқушылардың эмоциялық және когнитивтік тартылымдылығының артуын, метатілдік сауаттылықтың дамуын және әлеуметтік-мәдени контексте визуалды-тілдік элементтерді түсіндіру қабілетінің артуын көрсетеді. Әдістеменің маңызды құрамдас бөлігі ретінде цифрлық платформаларды (Genially, Miro) интеграциялау жүзеге асырылды. Олар жинақталған деректерді визуализациялауға, ұжымдық талқылауды ұйымдастыруға, оқушылардың зерттеушілік және жобалық дағдыларын кеңейтуге мүмкіндік берді. Зерттеудің тәжірибелік маңыздылығы мультимодалды тәсілдің тиімділігін дәлелдеуде, яғни оқу қызметін қалалық шынайы коммуникациямен байланыстыруында көрінеді. Жұмыстың теориялық құндылығы визуалды-тілдік ортаның екінші тілді оқытудағы функционалдық маңызын айқындайтын әдістемелік тұжырымдарды нақтылаумен, сондай-ақ әдістемені одан әрі дамыту перспективаларын белгілеумен анықталады. Зерттеу нәтижелері лингвистикалық ландшафт әдісінің орыс тілін екінші тіл ретінде оқытуда мәдени компонентті интеграциялаудың тиімді құралы екенін дәлелдейді.